မင်းသားကြီးတွမ်ဟမ့်ခ်နဲ့ ဇနီးသည် ရီတာဝီလ်ဆင်တို့ ဆေးရုံမှ ဆင်းခွင့်ရ

ပြီးခဲ့တဲ့ ရက်အနည်းငယ်က ကိုရိုနာဗိုင်းရပ်စ် ကူးစက်ခံနေရတဲ့ ဟောလီးဝုဒ်မင်းသားကြီး တွမ်ဟမ့်ခ်နဲ့ သူ့ရဲ့ ဇနီးသည် ရီတာဝီလ်ဆင်တို့ဟာ တက်ရောက်နေရတဲ့ သြစတြေးလျ ဆေးရုံကနေ ဆင်းခွင့်ရရှိသွားပြီလို့ Daily Mail သတင်းဌာနက ဖော်ပြလာပါတယ်။ သြစတြေးလျနိုင်ငံကို ရုပ်ရှင် အလုပ်ကိစ္စတစ်ခုနဲ့ ရောက်ရှိနေကြတဲ့ သူတို့ ဇနီးမောင်နှံဟာ ကိုရိုနာဗိုင်းရပ်စ် ဖြစ်ဖြစ်ချင်းအခြေအနေမှာ သီးသန့်ခွဲနေခဲ့ရပြီး တစ်ပတ်နီးပါးကြာ ကုသမှု ခံခဲ့ရပါတယ်။ လက်ရှိမှာတော့ သူတို့နှစ်ဦးစလုံးရဲ့ ကိုရိုနာဗိုင်းရပ်စ်ကူးစက်ခံရမှု အခြေအနေဟာ စိတ်ချရတဲ့ အခြေအနေတစ်ခု ရောက်ရှိနေပြီလို့ မင်းသားကြီး တွမ်ဟမ့်ခ်က ဖွင့်ဟပြောကြားထားပါတယ်။ ဒါပေမယ့် ရောဂါ လက္ခဏာကို ဆက်လက် စောင့်ကြည့်ရဦးမှာဖြစ်ပြီး သြစတြေးလျနိုင်ငံမှာ ယာယီနေထိုင်ဖို့ ငှားရမ်းထားတဲ့ နေအိမ်မှာ quarantine ထပ်လုပ်ပြီး ဂရုစိုက်မှုတွေ ပြုလုပ်ရဦးမှာဖြစ်ပါတယ်။ သူတို့နှစ်ဦးစလုံး ရောဂါကနေ ပြန်လည် နံလန်ထလာတဲ့ အကြောင်းကို အင်စတာဂရမ်စာမျက်နှာ ဆေးရုံကနေ ဆင်းဆင်းချင်းဓာတ်ပုံရိုက်ပြီး ပရိသတ်တွေကို အသိပေးခဲ့တာဖြစ်ပါတယ်။ Gold Coast University Hospital ကတော့ သူတို့ ဇနီးမောင်နှံကို ကျန်းမာရေးသတင်းလာရောက်မေးဖို့ ကြိုးစားခဲ့ကြပေမယ့် လက်ရှိမှာတော့ သူတို့နှစ်ဦးစလုံး တစ်သီးတသန့် နေထိုင်ဖို့ လိုအပ်နေသေးတယ်လို့ အသိပေးထားပါတယ်။

0
FacebookTwitterShare
Published on 17/03/2020 / zmediazmedia