ပရိသတ်တွေကို ထူးခြားမှုတွေ ပေးဦးမယ့် ဗန်ဒိုင်ဆယ်ရဲ့ Bloodshot ဇာတ်ကား

  “မင်းငါ့ကို ဖန်တီးလိုက်ပေမယ့် ဘယ်တော့မှ ထိန်းချုပ်လို့တော့ မရဘူး”- ရေးဂါရီဆင် (ဗန်ဒိုင်ဆယ်) စူပါဟီးရိုးဇာတ်ကားကောင်းတစ်ခုဖြစ်တဲ့ Bloodshot ဆိုတဲ့ ဇာတ်ကားကောင်းတစ်ကားရှိနေပါတယ်။ အရောင်းရဆုံး Comic Book ကို အခြေခံထားတဲ့ ဇာတ်ကားကောင်းဖြစ်ကာ အသက် သေဆုံးခဲ့ပြီးမှ စူပါစစ်သား ဟီးရိုးတစ်ယောက်အဖြစ် ပြန်လာဖြစ်တည်ခဲ့တဲ့ ဇာတ်လမ်းဖြစ်ပါတယ်။ သူကိုယ်တိုင်နဲ့ ဇနီးဖြစ်သူတို့ လုပ်ကြံသတ်ဖြတ်ခံရအပြီးမှာ အာအက်စ်တီ ကော်ပိုရေးရှင်း သိပ္ပံအဖွဲ့က သူ့ရဲ့ သွေးပြန်ကြောအားလုံးကို နာနိုနည်းပညာနဲ့ ပြန်လည်ထီထွင်ခဲ့ပြီး စူပါဟီးရိုးတစ်ယောက်အဖြစ် ပြန်လည်ဖန်တီးခဲ့တာပါ။   ဒီဇာတ်ကားမှာဆိုရင် အဓိက သရုပ်အဖြစ် ဗန်ဒိုင်ဆယ်က သရုပ်ဆောင်ထားပြီး သူ့ကို ဖန်တီးပေးခဲ့တဲ့ သိပ္ပံပညာရှင် ဒေါက်တာ အီမယ်ဟက်တင်းကတော့ သူ့ကို လက်နက်တစ်ခုအဖြစ် ရည်ရွယ်ပြန်လည် မွေးဖွားစေခဲ့တာဖြစ်ပါတယ်။ ဒီဇာတ်ကားဟာ လာမယ့် မတ်လ ၁၃ ရက်နေ့မှာ ထွက်ရှိမှာဖြစ်ပြီး ပြန်လည်မွေးပေးတဲ့ ဒေါက်တာနဲ့ စူပါဟီးရိုးတို့ကြားက ဆက်နွယ်မှု၊ ဇာတ်လမ်းရဲ့ အဆုံးသတ်ဟာ စိတ်ဝင်စားစရာ ကောင်းနိုင်မလား၊ ဘယ်လို အကြမ်းစား ဖိုက်တင်တွေ ဆက်ဖြစ်မလဲဆိုတာတော့ စောင့်ကြည့်ရတော့မှာပဲဖြစ်ပါတယ်။

1
FacebookTwitterShare
Published on 22/02/2020 / zmediazmedia





Related News