နာမည်ကြီး ရုပ်ရှင်ဇာတ်ကားကောင်းဖြစ်တဲ့ Game of Thrones ဇာတ်ကားထဲက မင်းသား ခရစ္စတိုဖာ ဟိုက်ဂျူးဟာ လက်ရှိ နာမည်ကြီး နိုင်ငံတကာ အနုပညာရှင်တွေထဲမှာ ကိုရိုနာဗိုင်းရပ်စ် နောက်ဆုံး ရရှိတဲ့ အနုပညာရှင်ဖြစ်ခဲ့ပါပြီ။ သူဟာ ကိုရိုနာ ဗိုင်းရပ်စ် ဖြစ်နေတဲ့ အကြောင်းကို ဆိုရှယ်မီဒီယာတစ်ခုဖြစ်တဲ့ တွစ်တာ စာမျက်နှာပေါ်မှာ ရေးတင်ပြီး အသိပေးခဲ့တာပါ။ အသက် (၄၁) နှစ်ရွယ် မင်းသား ခရစ္စတိုဖာ ဟိုက်ဂျူးဟာ လက်ရှိမှာတော့ နော်ဝေ နိုင်ငံရဲ့ သူ့အပိုင်အိမ်မှာ သီးသန့် နေထိုင်နေပြီး အအေးမိတဲ့ လက္ခဏာသာ ပြသနေသေးတယ်လို့ ဆိုပါတယ်။ နိုင်ငံတကာက ပရိသတ်တွေအနေနဲ့လည်း မိမိတို့ တိုင်းပြည်က ကျန်းမာရေးထုတ်ပြန်ချက်တွေကို သတိထားစောင့်ကြည့် ဖတ်ရှုပြီး ကိုရိုနာဗိုင်းရပ်စ်ကို ကာကွယ်ကြဖို့ အကြံပေးထားပါတယ်။ လက်ရှိမှာ မင်းသား ခရစ္စတိုဖာ ဟိုက်ဂျူးဟာ အအေးမိတဲ့ လက္ခဏာကလွဲလို့ ကျန်းမာရေး ကောင်းမွန်နေသေးပြီး နော်ဝေနိုင်ငံ သူ့ကိုယ်ပိုင်အိမ်မှာ အနားယူလျက်ရှိပါတယ်။ ကမ္ဘာတဝှမ်းလုံး ကိုရိုနာဗိုင်းရပ်စ်ကြောင့် စိုးရိမ်ကြောင့်ကျနေရပေမယ့် အတူတကွ တိုက်ပွဲဝင်ပြီး ဂရုစိုက်နေသွားကြဖို့ တိုက်တွန်းခဲ့ပါသေးတယ်။ လက်ရှိမှာတော့ Netflix ရဲ့ ဒုတိယ The Witcher ဇာတ်လမ်း သရုပ်ဆောင်လည်းဖြစ်တဲ့ ခရစ္စတိုဖာ ဟိုက်ဂျူးကတော့ ကျန်းမာရေး အခြေအနေကြောင့် ရိုက်ကူးရေးတွေ ယာယီ ရပ်နားထားရတော့မှာပဲဖြစ်ပါတယ်။