မြန်မာပြည်ရဲ့ ပရိသတ်အတော်များများက ဂူးဂူးလို့ သိကြတဲ့ တရုတ်မင်းသမီးချောလေး Liu Yifei ဟာ ပြီးခဲ့တဲ့ တနင်္လာနေ့မှာ ကျင်းပခဲ့တဲ့ Mulan ရုပ်ရှင် ဟောလီးဝုဒ် Red Carpet ပွဲမှာ တကယ့် လက်တွေ့ဘဝက ဒစ်စနေးလ်မင်းသမီးလေး တစ်ယောက်လို ပန်းနုရောင် ဂါဝန်အရှည်ကြီးမှာ ရွှေရောင် ကနုတ်တွေကို လှလှပပ ထိုးထားတဲ့ ဝတ်စုံကို ဝတ်ပြီး ကြွကြွရွရွလေး တက်ရောက်လာခဲ့တာပါ။ အသက် (၃၂) နှစ် အရွယ်ရှိပြီဖြစ်တဲ့ ဂူးဂူးဟာ အသက်အရွယ်အားဖြင့် ၃၀ ကျော်တန်းကို ရောက်ရှိလာခဲ့ပေမယ့် အသားအရည်ကောင်းမွန်မှုနဲ့ အိုမင်းခြင်း ဇရာတွေကို အကောင်းဆုံး တွန်းလှန်ထားတုန်းဖြစ်ပါတယ်။ သူ့ရဲ့ လှပတဲ့ ဝတ်စုံနဲ့ ချစ်စဖွယ် ဟန်ပန်တွေကြောင့် ပွဲတက်လာသူ ပရိသတ်တွေဟာလည်း အတော်လေး မျက်စိကျခဲ့ပြီး သူ့ရဲ့ အလှဟာ ခမ်းနားနေပါတော့တယ်။ ဒစ်စနေးလ်ရုပ်ရှင် စတူဒီယိုကနေ ဒီဇာတ်ကားကို ထုတ်လုပ်ဖန်တီးထားတာဖြစ်ပြီး အမေရိကန် ဒေါ်လာ သန်း ၃၀၀ လောက် အကုန်ကျခံ ထုတ်လုပ်ထားတယ်လို့ သတင်းတွေက ဆိုပြီး အထူးစိန်ခေါ်မှု တစ်ခု ဖြစ်လာလိမ့်မယ်လို့ သတင်းတွေက ဆိုပါတယ်။ ဂူးဂူးရဲ့ Mulan ဇာတ်ကားကိုတော့ ဒီလ ၂၇ ရက်နေ့မှာ ကမ္ဘာအနှံ့က ရုပ်ရှင်ရုံတွေမှာ ပြသသွားမှာဖြစ်ပြီး တရုတ်နိုင်ငံမှာတော့ Mulan ရုပ်ရှင် Red Carpet ပွဲကို ကိုရိုနာဗိုင်းရပ်စ်ကြောင့် ရွှေ့ဆိုင်းထားပါတယ်။